爆炸又一驚世發現，咪睇個包裝盒，有個貌似何家勁咁既壯男，以為係男性大補藥，原來發現係馬交特產，傳统糖涼酸菓”PAK FA FUI（百花魁）出品 - 精神羌〞，只要吃一小口，就足以辣到爆炸！非常神提。又有個精包裝盒，認真一流！

澳門大發現

聖誕快樂及新年快樂，年年都咁開心！

爆炸猛男PHD回歸學堂？今次有幸應小學邀請教導小朋友創意啟發班。其實小孩具有與生俱來的創造力，在遊戲中肆意釋放，無顧忌地活在自己創造的天地。而遊戲不單令人快樂，更培育出創造的精神。課程包括身體語言、集體遊戲、即興創作等等。在遊玩環境下激發同學的創造力。課程包括寓學於戲 - 從遊戲激發創造力、Flash動畫創作班、素描藝術創作初班、玩具創作DIY – 手工藝及模型製作、天才小導演班等等，目的是全方位激發小朋友的創意，方法有圖像法思考、團隊創作、集體解決問題方法，給他們了解多媒體於日常生活中的運用方法。

仲有修哥胡楓同喬寶寶

吳剛師傅最近在太子某著名商場開了間酒樓，招呼了一班圈中好友試菜，裝修貴氣，做擺酒一流，菜款多又好食！正！好好食，要推！當晚有寶寶、修哥、天華哥、耀祥哥等，好餸大家食！

爆炸猛男PHD第一套港產片！我地係電影《雀聖2》參與演出完成。現已公映啦！《新Monday》第265期率先彼露劇情！

新MONDAY週刊拍攝花絮

主要劇情：
應采兒飾演家庭主婦細芬，表面上只是一名愛與鄰居打麻雀的「師奶」，其實是麻雀高手過三洞 (王天林) 的入室弟子。細芬深愛丈夫子雄 (尹子維)，然而子雄卻受不住性感尤物波波 (李思蓓) 的誘惑，更令細芬沮喪的是她竟然在麻雀桌上敗給波波！於是細芬在師姐十三飛 (元秋) 與小師妹初戀 (李蘢怡) 協助下，決意要在世界雀神大賽中與波波一決高下！

爆炸猛男PHD第一首歌《爆炸猛男》已混音完成。

唱片封套

錄音室現場

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

請細心欣賞及留意歌詞

我地呢首新歌《爆炸猛男》歌詞率先曝光！首歌既原意係用黎係《翻叮龍虎榜》表演既，唔知大家仲記唔記得我地果集都唱左幾句出黎？

「道具係要西瓜波， 動靜係要好鬼多
我地決心搞到今次翻叮要好睇。

日日練舞七粒鐘， 跳到腳趾公都痛
唔怕痛苦一心一意笑爆觀眾！」

支持原創！感謝作曲既阿倫！

全首歌詞：
爆炸猛男
作曲：阿倫
填詞：爆炸猛男PHD
編曲：阿倫
主唱：爆炸猛男PHD

樣樣係要乜都威
每個拍子都盞鬼
連放個假都通宵想要跳隻舞好睇
事實係要諗計仔
做大事要乜都制
我要演出今舖搞到唱到痴肺

日日練氣keep fit跑山我都努力過
人人齊話我地隻歌要多Ｄ唱和
就係為要表演精彩我都搏命過
齊齊黎話我地要Encore

道具係有西瓜波
動靜亦要好鬼多
我地決心搞到今次表演要好睇
日日練舞七粒鐘
跳到腳趾公都痛
唔怕痛苦一心一意笑爆觀眾

剃頭畫眼拋開一切尊嚴亦放低
但係遇有心人欣賞永冇話計
人人期望搏命演出要得到安慰
演出要演得好美麗

爆炸笑料抵死衰鬼個樣確係曳
炸帝作狀搏命踢腿要碌低咁滯
猛咁變身打下關斗似機器「咁」掣
男兒然後四件變一體

現在士氣好鬼高
我要決心整多舖
連阿伯阿嬸街坊經過也讚我叻仔
現在問我想點樣
我要世界開口唱（都高唱）
爆炸氣氛呢分呢秒永遠最高漲
爆炸氣氛呢分呢秒永遠最高漲
最！高！漲！